УИХ-ын сонгуулийн 32-р тойрог буюу Увс аймгийн бас нэгэн тойрогт Ерөнхий сайд асан Норовын Алтанхуяг АН-аас нэр дэвшин өрсөлдөж байна.
Тэрбээр сонгуулийн сурталчилгааны ажлаа төрөлх Малчин сумаасаа эхлэсэн бөгөөд очсон газар бүрт нь АН-ын гишүүд дэмжигчид халуун дотноор хүлээн авч баяр хүргэсээр байна.
Ерөнхий сайд асан Н.Алтанхуяг нь Увс аймгийн Малчин, Хяргас, Завхан, Наранбулаг, Тариалан, Ховд сум болон Улаангом сумын 4, 9, 10, 11-р багийг хамарсан 32-р тойрогт нэр дэвшээд байна. Түүнтэй МАН-аас НАМЗХ-ны дэд ерөнхийлөгч Намсрайн Цэрэнбат өрсөлдөж байгаа билээ. Энэ тойрогт өрсөлдөхөөр өөр ямар нэгэн нам эвслийн гишүүн болон бие даагч бүртгүүлээгүй бөгөөд зөвхөн хоёулханаа өрсөлдөж байгаа хэдхэн тойргийн нэг гэдгээрээ онцлог юм.
Увс аймаг Б.Батхүү
