Увс аймгийн барилгын салбарын удирдах ажилтнуудын зөвлөлгөөн өнгөрсөн сарын сүүлчээр Улаангомд болж өнгөрлөө.
Энэ үеэр барилгад нэвтрүүлж буй шинэ технологи, хөдөлмөрийн аюулгүй байдал, эрүүл ахуй, барилгын тухай хуулийн шинэчилсэн найруулга зэрэг асуудлыг хөндсөн илтгэлүүдийг тавьж хэлэлцүүлсэн юм. Эндээс гарсан гол үр дүн гэх юм бол аймаг болон суманд ерөнхий архитектур ажиллуулах, батлагдсан зураг төсөвтэй ажлыг ОНХС-гийн хөрөнгөөр хийхээр төлөвлөх, дэд бүтцийн инженерийн шугам сүлжээ, холбоо дохиоллын шугам техникийн нөхцөл олгох, захиалагч, зохиогчийн хяналтыг сайжруулах зэрэг асуудалд барилгын салбарынхан эргэлт хийхээр боллоо.
Төгсгөлд нь барилгын салбарынхны дунд сагсан бөмбөг, ширээний теннисний тэмцээн зохион байгуулахад 9 баг оролцож, шилдгүүдээ шалгаруулсан юм.
Энэхүү зөвлөлгөөнийг аймгийн ЗДТГ, ГХБХБГ, МХГ, Монголын барилгачдын холбоо хамтран зохион байгуулсан бөгөөд Увс аймагт үйл ажиллагаа явуулдаг 20-иод компанийн төлөөлөл хамрагдлаа.
Увс аймаг Б.Батхүү