Увс аймгийн АН энэ удаагийн сонгуульд “Увсдаа бүтээнэ Улсдаа манлайлна” уриатайгаар орж байна.
Тус намын сонгуулийн сурталчилгааны нээлт өчигдөр орон нутгийн 17 цагт Маршал Ю.Цэдэнбалын талбайд болсон юм. Энэ удаагийн УИХ-ын сонгуулиар Увс аймагт АН-аас “Тэсо” кропрацийн ерөнхийлөгч Одонгийн Цогтгэрэл, Монгол Улсын Ерөнхий сайд асан Норовын Алтанхуяг, Онцгой байдлын сайд асан Сайнбуянгийн Отгонбаяр нар нэр дэвшин өрсөлдөж байна. Мөн Увс аймгийн ИТХ-ын сонгуульд тус намын 41 хүн нэр дэвшин өрсөлдөж байна.
АН-ын сонгуулийн сурталчилгааны нээлтийн үйл ажиллагаанд Монгол Улсын Хөдөлмөрийн баатар, дархан аварга Хорлоогийн Баянмөнх оролцсон бөгөөд тэрбээр УИХ-ын сонгуульд нэр дэвшигчдэд амжилт хүсч, алд цэнхэр хадаг, мөнгөн аягатай сүү барьсан юм.
Сонгуулийн сурталчилгааны нээлтэд оролцохоор Увс аймгийн 19 сумаас тус бүр 50 хүн ирж, “АхиулАН хийх ажил ихтэй” Ардчилсан намаа дэмжлээ.
Увс аймаг Б.Батхүү
